Telepensjonistane i Sogn og Fjordane, 15.05.2025
Invitasjon til turen Lustrafjorden rundt onsdag 11. juni 2025
Turen til Telepensjonislaget vil i år gå til Luster. Vi legg til rette for at ein kan delta på turen både frå Sogn, Nordfjord og Sunnfjord. Dermed blir dette eit høve til å treffe kollegaer og vener frå heile det gamle «Teleområdet»
Bussen vil starte i Førde, og ein går på bussen etter denne plana:
- 0845 Avreise Førde frå parkeringsplassen v/Festplassen
- 0945 Stopp Skei ved parkeringa til hotellet, på stigning for Nordfjordingar.
- 1040 Stopp Sogndal ved rutebilstasjonen, på stigning for Sogningar
Turen går først til Solvorn der vil tidlegare kultursjef i Luster Erling Bjørnetun kome om bord og vere guide på turen. Også styremedlem Bjørg Alme Johannessen frå Sogndal er godt kjend i Luster og med kulturminna vi skal vitje.
Det er lagt opp til kun eit felles måltid, og det er middagen kl. 16.00 i Skjolden. Vi oppfordrar alle til å ha med niste, drikke og godteri til ein lang dag. Det er lagt opp til ei rekke stopp langs Lustrafjorden, slik at vi kan ta del i det vakre fjordlandskapet og kulturminna vi skal vitje.
Solvorn
Første stopp er idylliske Solvorn, her har vi om lag ein time til rådvelde. Arne Kvalen tek oss med på ei vandring blant dei sjarmerande og velhalde husa og fortel om bygda og historia til Solvorn.
Båttur Solvorn – Ornes kl 1200 - 1220
Ornes
Urnes Stavkyrkje står på Unesco si verdsarvliste og er eit av dei mest verdfulle kulturminna i landet. Det er den eldste stavkyrkja i verda, bygd i 1130. Det er avtalt omvisning 1240. med Ingebjørg Njøs Storvik. Det er berre 25 stk pr omvisning og maks 1 bussgruppe i timen, så det betyr at det er berre 25 av oss som får vitje kyrkja inne. Dei som melder seg på tur, må skrive om dei ynskjer omvising. Blir det fleire enn 25 stk, vil det bli «først til mølla» ved påmelding. Omvisning kostar kr. 110 pr stk.
Avreise frå Ornes 1345. Det er 30 km til Skjolden (ca 40 min med buss) og det vil bli 4 stopp på vegen før vi er framme i Skjolden til middag 1630.
Feigesagi
Feigum kulturstad er den gamle garden Feigesagi under Feigumfossen, som og er Norges andre høgste fossefall. Dette er Luster kommune sin første industristad, med sagverk og smie frå 1600 talet. Her blir det stopp og omvisning og her er kiosk/kafe
Munthehuset og Kroken gard
Kort stopp der Bjørnetun fortel litt om historia om det gamle adelssete og storgarden frå mellomalderen. Huset spelte ei sentral rolle i den nasjonale historia første del av 1800 talet. Møtestad for forskarar, og kultureliten undernasjonalromantikken.
Lerum Museum Sørheim
Stopp og orientering om dette som er starten på Lerum si historie frå 1907.
Wittgenstein hytta, orientering ved Bjørnetun
Skjolden
Det blir middag på Fjordstova kl 1630.Buffet/Middag: Kjøttkaker, med poteter, kålstuing, gulrot, tyttebær, brun saus og kaffi som inngår i turpris.
Turid Øiene dagleg leiar vil ha eit innslag før middagen og fortelje litt om Skjolden og Fjordstova
Avreise frå Skjolden blir kl. 1745 på heimvegen er det aktuelt med stopp ved Dale kyrkje frå 1200-talet og å svinge innom Marifjøra.
Til Sogndal 1845
Til Skei 1945
Til Førde 2030
Endeleg pris blir ikkje klar før vi veit meir om påmelding, men førebels anslag er kr. 650,- for medlem og kr. 850,- for andre.
Påmelding til Torodd Bruland
Epost: toro-bru@online.no eller SMS: 91175156
Vi treng følgjande med svarfrist 24 mai ( om det skulle bli fullt gjeld prinsippet først til mølla):
- Namn og telefonnummer på medlem som vil vere med
- Namn og telefonnummer på ven/veninne som vil vere med
- Ynskje om billett til Urnes stavkyrkje
Spørsmål kan rettast til Torodd eller styremedlemmane
Kristian Strømmen 91331365, Norodd Stubhaug 90020588, Bjørg Alme Johannessen
.jpg?autorotate=true&height=700)
